دنیا بھر سے ایک سو چالیس سے زائد مسیحی رہنماؤں نے امریکی صدر جو بائیڈن کو خط لکھا ہے اور غزہ جنگ بندی اور اسرائیل کی حمایت و فوجی امداد بند کرنے کا مطالبہ کیا ہے۔ دوسری طرف ترکیہ کے شہر استنبول میں ہزاروں افراد نے فلسطینیوں سے اظہار یکجہتی کیلئے احتجاج کیا ہے۔
چرچز فار مڈل ایسٹ پیس نے خط میں کہا کہ امریکا، غزہ جنگ بندی کے لیے اسرائیل پر دباؤ ڈالے، جب کہ دیگر ممالک بھی اسرائیل کو ہتھیاروں کی فراہمی روکیں۔
خط میں کہا گیا کہ اسرائیل کو اسلحہ فراہم کرنے والے ممالک غزہ پر حملوں میں برابر کے شریک ہیں، مسیحی مصائب کے شکار فلسطینیوں کے ساتھ کھڑے ہیں۔
ترکیہ کے شہر استنبول میں ہزاروں افراد نے فلسطینیوں سے اظہار یکجہتی کیلئے احتجاج کیا ہے۔
فلسطینی پرچم تھامے مظاہرین نے سلطان احمد اسکوائر کی طرف مارچ کیا۔
مظاہرین نے غزہ جنگ بندی اور آزاد فلسطینی ریاست کا مطالبہ کیا۔
