اسلام آباد ہائیکورٹ نے پاکستان تحریک انصاف کے سابق چیئرمین عمران خان کی 190 ملین پاؤنڈز کیس میں ضمانت کی درخواست پر سماعت بغیر کارروائی کے ملتوی کردی گئی۔
اسلام آباد ہائیکورٹ کے چیف جسٹس عامرفاروق اور جسٹس طارق محمود جہانگیری پر مشتمل 2 رکنی بینچ نے عمران خان کی 190ملین پاؤنڈز ریفرنس میں ضمانت کی درخواست پر سماعت کی۔
معاون وکیل نے بتایا کہ سردار لطیف کھوسہ بانی پی ٹی آئی عمران خان سے ملاقات کے لیے اڈیالہ جیل گئے ہیں۔
چیف جسٹس عامر فاروق نے کہا کہ ہم آئندہ ہفتے کی تاریخ دے دیتے ہیں۔
بعدازاں عدالت نے بانی پی ٹی آئی کی 190ملین پاؤنڈزریفرنس میں ضمانت کی درخواست پر سماعت بغیر کارروائی کے ملتوی کردی، عمران خان کے وکیل لطیف کھوسہ کی عدم پیشی پر سماعت ملتوی کی گئی۔
اسلام آباد ہائیکورٹ نے سابق وزیراعظم عمران خان کی درخواست پر سماعت 3 اپریل تک ملتوی کر دی۔
