ایشیا اوشیانا ورلڈ جونیئر ٹینس انڈر14 کوالیفائرزمیں پاکستان نے ازبکستان کو دو ایک سے شکست دیکر کوارٹر فاٸنل راونڈ کیلٸے رساٸی حاصل کرلی ہے۔

ملاٸیشیا کے شہرکوچنگ میں جاری ایونٹ میں ازبکستان کیخلاف میچ میں ڈبلزمیں پاکستان کے طلحہ ابوبکر، جوادعمر فاتح رہے۔

سنگلز کے پہلے میچ میں طلحہ ابوبکر نے چھ دو، چھ چار سے کامیابی حاصل کی۔

دوسرے سنگلز میں جوادعمر کو چھ دو، سات چھ کی شکست کا سامنا کرنا پڑا۔

پاکستان کوارٹر فائنل میں جاپان کے مدمقابل ہوگا۔ ایشیا اوشیانا ورلڈ جونیئر ٹینس انڈر14 کوالیفائرز 30 مارچ تک جاری رہیں گے ۔۔