موبائل فون کی اہمیت اور اس پر انحصار سے انکار ممکن نہیں۔ اسےہر وقت چارج رہنے کی ضرورت ہوتی ہے اور اکثر افراد کے لیے رات کا وقت موبائیل فون کو چارج کرنے کے لیے آسان ہوتاہے ۔
آج کے اس ڈیجیٹل دور میں موبایل فون زندگی کا ایک ناگزیر حصہ بن چکاہے مگر یہ اپنے ساتھ کئی حادثات کا خطرہ بھی لایا ہے خصوصا جب اسے چارج کیا جا رہاہو توآگ لگنے کا خطرہ موجود رہتا ہے ۔
غلط چارج یا ٹھیک طرح سے چارج نہ کرنا ایک خطرناک حادثہ کا موجب بن سکتا ہے ۔اس لئے والدین کو اپنے خاندان اور گھروں کی حفاظت کے لیے زیادہ فعال اقدام کرنے چاہیے ۔
یہاں ہم والدین کی رہنمائی کرتےہیں کس طرح اپنے گھر کے تحفظ کو یقینی بنا ئیں ۔
چارجنگ ڈیوائسس کو تنگ یا ایسی جگہوں پر چارج کرنے سے گریز کریں ،جہاں آس پاس آتشگیر مواد موجود ہو ۔کسی ہوادار ایریے کا انتخاب کریں جہاں چارجنگ کے دوران گرمی کا اخراج ممکن ہو ۔
گھر کے افراد کو یہ عادت ڈالیں کہ جب الیکٹرک ڈیوائسس کو استعمال نہ کیا جائے تو انہیں پلگ سے ہٹا دیا جائے۔خصوصا رات کے وقت یا گھر سے جاتے ہوئے ۔یہ زیادہ گرم ہونے اور الیکٹرک آگ کے خطرے سے بچنے میں مدد دے سکتا ہے ۔
اپنے خاندان کے افراد خصوصا بچوں کو سیکھائیں کہ ایک دفعہ اپنے ڈیوائس کے چارج کرنے کے بعد انہیں پلگ سے ہٹا دیں۔
ہمیشہ ایسےچارجر استعمال کریں جو کہ مانی ہوئی کمپنیوں سے سرٹیفائیڈ ہو ۔سرٹیفائیڈ چارجر ایک سیفٹی اسٹینڈرڈ رکھتے ہیں ۔
جعلی چارجرز سے ہوشیار رہیں، جو محفوظ نہیں ہوتے ہیں ۔اور صرف معروف کمپنیوں کے چارجر خریدیں ۔
بچوں کو اور دیگر فیملی کے ارکان کو چارج سیفٹی کی اہمیت سے آگاہ کرتےرہیں ۔انہیں غلط طریقے سے چارجنگ اور کسی حادثے سے محفوظ رہنے کی اہمیت بتائیں ۔
جب بھی چارجر کو تبدیل کریں تو استعمال شدہ ان چارجر کو ضائع کردیں ،بجائے ڈسٹ بن میں پھینکنے کے ،جہاں وہ ماحول کے لیے خطرہ بن سکتے ہیں۔
