سراج الحق نے وزیرخارجہ اسحاق ڈار کے بیان کی شدید الفاظ میں مذمت کرتے ہوئے کہا کہ وزیرخارجہ کے بس میں ہو تو اسرائیل سے کاروباری تعلقات قائم کرلیں، ہم وزیرخارجہ کے بھارت سے تجارت کرنے کے بیان کی مذمت کرتے ہیں۔
سراج الحق نے اپنے بیان میں کہا کہ بھارت کشمیریوں کا قاتل ہے، قوم کو اس کے ساتھ تجارت قبول نہیں، مسئلہ کشمیر کے حل تک ہندوستان سے تجارت کے حق میں نہیں۔وزیرخارجہ کے بس میں ہو تو اسرائیل سے کاروباری تعلقات قائم کرلیں۔
سراج الحق نے مطالبہ کیا کہ مسئلہ کشمیریوں کی امنگوں اور اقوام متحدہ کی قراردادوں کے مطابق حل ہونا چاہیے، خطے کے ممالک کے ساتھ تجارت سمیت دوطرفہ تعلقات مضبوط کیے جائیں، اور پاکستان کی جغرافیائی حیثیت اور وسائل کا فائدہ اٹھایا جائے۔
