پشاور کے تھانہ شاہ پور میں زیر حراست ملزم نے حوالات میں مبینہ طور پر خودکشی کرلی۔

پولیس کے مطابق ملزم کو آج دوپہر 12 بج کر 15 منٹ پر حوالات میں بند کیا گیا تھا, جہاں ملزم نےحوالات کے واش روم میں تیز دھار آلے سے اپنا گلا کاٹ لیا۔

پولیس ذرائع کے مطابق ملز نے پیالے کے ٹوٹے ہوئے ٹکڑے سے خود کو زخمی کیا۔

پولیس کا کہنا ہے کہ ملزم نشے کا عادی تھا اور گھر کی خواتین پر تشدد کرتا تھا۔

پولیس کے مطابق والدہ کی شکایت پرملزم کو حراست میں لیا گیا تھا۔

اے ایس پی تیمور خان کے مطابق ملزم کو زخمی حالت میں اسپتال منتقل کیا گیا لیکن وہ دم توڑ گیا۔

انہوں نے کہا کہ ملزم کی لاش ورثا کے حوالے کردی گئی ہے، ویڈیو کی مدد سے تحقیقات جاری ہیں۔