کیا آپ کو اکثر گرم یا ٹھنڈا کھاتے وقت دانتوں میں درد محسوس ہوتا ہے یا تازہ ہوا میں سانس لینے، تیزابی اشیاء کھاتے ہوئے دانتوں میں ٹیس اٹھتی ہے، اور آپ کافی دیر اس درد سے تڑپتے رہتے ہیں، تو یہ آپ کے دانتوں کے حساس پن کو ظاہر کرتی ہے ۔
حساس دانت بعض اوقات بہت زیادہ تکلیف اور بے آرامی کا باعث بنتے ہیں، جبکہ دن میں کم از کم دو مرتبہ اپنے دانتوں کو برش کرنا بھی ضروری ہے۔
یہاں آپ کو حساس دانتوں اور اورل ہیلتھ برقرار رکھنے کی 7 ٹپس دی جارہی ہیں۔
حساس دانتوں کے لیے غلط ٹوتھ پیسٹ کا استعمال، بے آرامی اور مسوڑھوں کی سوجن کا باعث بن سکتا ہے۔ اس لیے ایسا ٹوتھ پیسٹ منتخب کریں، جن میں پوٹاشیم نائٹریٹ اوراسٹرونٹیم کلورائیڈ کے اجزاء پائے جاتے ہوں۔
برش کے سخت برسلز دانتوں کی حساسیت کو بڑھا سکتے ہیں۔ اس لیے ایسے نرم ٹوتھ برش استعمال کریں، جو دانتوں اور مسوڑھوں میں سوجن پیدا نہ کرے۔
دانتوں پر ہمیشہ چھوٹے چھوٹے گول دائروں کی شکل میں آہستگی سے برش کریں اور ہر دانت پر اںفرادی توجہ دیں۔
روزانہ خلال کرنا، پلک اور دانتوں کے درمیان کھانوں کے پھنسے ہوئے ذرات کو باہر نکالنے میں مدد دیتا ہے، جس سے مسوڑھوں کی سوجن اور دانتوں کی حساسیت کم ہونے میں مدد ملتی ہے ۔
دانتوں کی حساسیت کو کم کرنے اور انہیں مضبوط بنانے کے لیے، برش کرنے کے بعد ہمیشہ فلورائیڈ ماؤتھ واش سے کلی کریں۔
فلورائیڈ دانتوں کو درجہ حرارت کی تبدیلی اور ایسڈک اٹیک سے بچاتا ہے۔
ایسڈک فوڈز اور مشروبات، جیسے رسیلے پھل، سوڈا، دانتوں کو خراب کر کے ان کی حساسیت کو مزید بگاڑ سکتے ہیں۔ اپنے دانتوں کی حفاظت کے لیے ایسے آئٹمز کم سے کم استعمال کریں ۔
دانتوں کی حساسیت اور مسوڑھوں کی سوجن کم کرنے کے لیے نمک ملے پانی سے غرارے کریں۔ نمکین پانی میں قدرتی اینٹی بیکٹیریل خصوصیات پائی جاتی ہیں اور یہ مسوڑھوں کی جلن کم کرنے میں مدد دے سکتا ہے۔
