سرکہ ایک گھریلو پروڈکٹ ہے جسے ہم صرف کھانوں میں استعمال کرنا جانتے ہیں ، لیکن آپ کو اس کے دیگر فوائد سے بھی آگاہ ہونا ضروری ہے ۔
اسیڈیٹی اور اینٹی بیکٹریل خصوصیات کے ساتھ سرکہ، آپ کے گھر کے لئے ایک موثر قدرتی کلینر ہے ۔
آپ کو شاید ہی یہ معلوم ہو گا کہ سرکہ کپڑوں سے ضدی داغوں اور دھبوں کو دور کرنے کی بھی صلاحیت رکھتا ہے ۔
سرکہ کو اگر دھلتے ہوئے کپڑوں میں مکس کیا جائے تو وہ انہیں نرم بناسکتا ہے اور سخت کیمکل کے استعمال کے بغیر ایک تازہ احساس دیتا ہے ۔
ایپل سائیڈرسرکہ کو اگر سن برن کے لئے لگایا جائے ،تو یہ درد سے نجات اور جلن کو کم کرنے میں مددگار ہوسکتا ہے ۔
سرکہ کی جلن کو دور کرنے والی خصوصیات سن برن سے ہونے والے سرخ نشانات کو دور کرنے کے لئے بھی مفید ہے ۔
سرکہ اور پانی کو ہم وزن ملا کر انہیں شیشے اور کھڑکیوں سے صاف کیا جائے تو ان کی چمک میں اضافہ ہو سکتا ہے ۔
بعض اوقات کچن اور باتھ روم کی سینک پر پانی کے ایسےدھبے لگ جاتے ہیں ، جو آسانی سے صاف نہیں ہوتے ہیں ۔ ان دھبوں پر صرف سرکہ کوچھڑک دیا جائے اور چند منٹوں کے بعد اسے پونچھ لیا جائے ۔
داغدار چاندی کے برتنوں کی چمک بحال کرنے کے لیے انہیں گرم پانی ،آدھا کپ بیکنگ سوڈا ،آدھا کپ نمک ،اور ایک کپ خالص سفید سرکہ کے مکسچر میں ڈبودیں، تو ان کی چمک برقرار رہ سکتی ہے ۔
