اسلام آباد تھانہ انڈسٹریل ایریا کی حدود میں واقع شہید ذوالفقار علی بھٹو انسٹی ٹیوٹ آف سائنس اینڈ ٹیکنالوجی کے طلباء لڑ پڑے۔

جھگڑے کے دوران گولیاں چل گئیں، فائرنگ سے ایک طالبعلم شدید زخمی ہوگیا، جسے اسپتال منتقل کردیا گیا۔

واقعہ کی اطلاع ملتے ہی پولیس موقع پر پہنچ گئی اور حالات کو کنٹرول کیا، پولیس کے مطابق زخمی طالب علم کی شناخت 22 سالہ عبدالرحمان کے نام سے ہوئی ہے جس کا تعلق سندھ سے ہے۔، زخمی طالبعلم پمز اسپتال میں زیر علاج ہے۔ جھگڑے کی وجوہات تاحال سامنے نہیں آ سکیں۔