اسلام آباد کی احتساب عدالت میں صدر مملکت آصف علی زرداری اور دیگر کے خلاف ٹھٹھہ واٹر سپلائی ریفرنس پر سماعت ہوئی، صدرآصف زرداری کی جانب سے صدارتی استثنیٰ کی درخواست دائر کردی گئی۔
احتساب عدالت اسلام آباد کے جج ناصر جاوید رانا نے کیس کی سماعت کی، صدر آصف علی زرداری کی جانب سے وکیل ارشد تبریز عدالت میں پیش ہوئے۔
وکیل ارشد تبریزنے مؤقف اختیار کیا کہ آصف زرداری کو صدارتی استثنیٰ حاصل ہے، صدر کے خلاف کیس کی کارروائی آگے نہیں بڑھائی جا سکتی۔
عدالت نے نیب کو نوٹس جاری کرتے ہوئے کیس کی سماعت 22 اپریل تک ملتوی کردی جبکہ دیگرملزمان میں سابق سیکرٹری اعجازاحمد خان، علی اکبر، اعجاز میمن، علی اکبر ابرو، خواجہ عبد الغنی مجید، مناہل مجید، عبد الندیم بھٹو و دیگر بھی شامل ہیں۔
