پاکستان سُپرلیگ 9 کا فائنل اسلام آباد یونائیٹڈ نے ملتان سلطانز کو دو وکٹوں سے شکست دیکر اپنے نام کرلیا، یونائیٹڈ نے 160 رنز کا ہدف کھیل کی آخری گیند پر حاصل کیا۔

کراچی کے نیشنل اسٹیڈیم میں کھیلے جانے والے اس میچ میں یونائیٹڈ کے کھلاڑیوں فلسطین کے عوام سے بھرپور یکجہتی کا اظہار کیا۔

میچ جیتنے کے بعد فاتح ٹیم نے اسرائیلی مظالم کے خلاف غزہ کے مظلوم شہریوں سےاظہار یکجہتی کرتے ہوئے فلسطین کے جھنڈے پشت پر لہرائے اور گراؤنڈ کاچکرلگایا۔

اسلام آباد یونائیٹڈ کی ٹیم کی جانب سے فتح کا جشن اس طور سے منانے پر اسٹیڈیم میں موجود شائقین نے بھی پورے جوش وخروش کے ساتھ فلسطین کے حق میں نعرے لگائے۔

کھلاڑیوں کے اس اقدام کو سوشل میڈیا پر بھی خوب سراہا گیا کیونکہ پی ایس ایل کے دوران اسٹیڈیم میں فلسطینی پرچم لانا ممنوع تھے۔

واضح رہے کہ اس سنسنی خیز مقابلے میں ٹرافی اپنے نام کرنے والی اسلام آباد یونائیٹڈ نے یہ ٹائٹل تیسری بار جیتا ہے۔

Click to see more

پی ایس ایل میں ملتان سلطانز کا یہ چوتھا فائنل تھا، وہ 2021کی فاتح ہے جب کہ آخری دو فائنلز میں اسے لاہور قلندرز کےہاتھوں شکست ہوئی تھی۔

اسلام آباد یونائیٹڈ نے پی ایس ایل کے 3 فائنلز کھیلے اور تینوں ہی بار مرتبہ ٹائٹل اپنے نام کیا۔