الیکشن کمیشن آف پاکستان نے بلوچستان کے صوبائی حلقہ پی بی 50 میں چھ پولنگ اسٹیشن پر پولنگ کی تاریخ تبدیل کردی۔
الیکشن کمیشن آف پاکستان (ای سی پی) نے بلوچستان اسمبلی کے حلقہ پی بی 50 قلعہ عبداللہ سے کامیاب امیدوار کا نوٹیفکیشن روکتے ہوئے پی بی 50 کے 6 پولنگ اسٹیشنز پر دوبارہ پولنگ کرانے کا حکم دیا تھا۔
الیکشن کمیشن کے مطابق چھ پولنگ اسٹیشن پر پولنگ 28 مارچ کو ہوگی، جو اس سے قبل 19 مارچ کو شیڈول تھی۔
الیکشن کمیشن نے آر او کو سیکیورٹی سمیت دیگر انتظامات کی نگرانی کا حکم دیا ہے اور بتایا ہے کہ پولنگ صبح 8 سے شام 4 بجے تک ہوگی۔
