پنجاب میں کھلاڑیوں کے مسائل حل کرنے کے لیے ہیلپ لائن لانچ کرنے کا فیصلہ کرلیا گیا۔
وزیر کھیل پنجاب فیصل ایوب نے کھیلوں سے متعلق شکایات کے لیے سوشل میڈیا کمپلینٹ سیل شروع کرنے کا اعلان کردیا۔
اس حوالے سے ڈائریکٹر اسپورٹس پنجاب کو کمپلینٹ سیل کا فوکل پرسن مقرر کردیا گیا ہے۔
وزیرکھیل پنجاب فیصل ایوب نے کہا ہے کہ کمپلینٹ سیل کے قیام کی ہدایات جاری کردیں، کھیلوں سے وابستہ تمام حلقے اپنے مسائل کے حل کے لیے رابطہ کریں، کھیلوں کی سہولیات کے حوالے سے بھی شکایات درج کروائی جاسکیں گی۔
فیصل ایوب نے کہا کہ پنجاب کے کھلاڑیوں کا ٹیلنٹ نکھارنے کے لیے بہترین ماحول فراہم کرنا چاہتا ہوں، پنجاب میں کھیلوں کے کلچر کو فروغ دے رہے ہیںٓ۔
ان کا مزید کہنا تھا کہ ہمارے ملک میں کھیلوں کا بے پناہ ٹیلنٹ موجود ہے، تمام افسران کھیل اور کھلاڑیوں کی بہتری کے لیے فیلڈ میں متحرک ہوں۔
