اداکارہ ثنا کہتی ہیں اگر کوئی رمضان میں بھی اپنے رب قریب ہوتا ہے تو اس پر تنقید نہ کریں بلکہ اللہ نے اس کو موقع دیا ہے ۔
آج ٹی وی کی افطار ٹرانسمیشن باران رحمت میں میزبان مایا خان سے گفتگو کرتے ہوئے پاکستانی اداکارہ کا کہنا تھا ثنا جو پہلی تھی وہ اب نہیں ہے میں مضبوط نہیں ہوں کیونکہ میرے نظر میں مضبوط عورت وہ ہے جس کے پاس کوئی پہچان نہیں ہے کوئی مدد نہیں ہےلیکن پھر بھی اس کے پاس حوصلہ ہے ۔
اداکارہ نے کہا ضروری نہیں کہ ہمیشہ پیسے کے ذریعے کسی کی مدد کی جائے بلکہ آپ کے چند اچھے الفاظ بھی کسی کی زندگی میں انقلاب لاسکتے ہیں کیونکہ زندگی سوچ کے زریعے تبدیل ہوتی ہے ۔
زندگی میں عمر کے ساتھ تبدیلی نہیں آتی بلکہ تجربہ انسان کو تبدیل کردیتا ہے جب آپ سے کوئی ایسی چیز چھن جائے جس سے آپ کو محبت ہو تو ٹوٹ جاتے ہیں اس موقع پر اللہ سب کا ساتھ دیتا ہے ۔
زندگی میں دو چیزوں ہوتی ہیں ایک یقین اور دوسرا ڈر ، ہمیں اپنے ایمان اور یقین پر کام کرنے کی ضرورت ہوتی ہے ہر انسان کو اللہ نے مختلف روح دی ہے اپنی روح کو پختہ کریں ۔
