لاہورہائیکورٹ میں فواد چوہدری کی درج تمام مقدمات میں گرفتاری ڈالنے اورویڈیو لنک پرحاضری کی درخواست پر 2 رکنی بینچ کےسربراہ جسٹس شہرام سرور نے سماعت سے معذرت کرلی۔
فواد چوہدری نے اپنے خلاف درج تمام مقدمات میں گرفتاری ڈالنے اور ویڈیو لنک کے ذریعے مقدمات میں حاضری کے لیے ہائیکورٹ سے رجوع کیا۔
درخواست میں مؤقف اختیار کیا گیا کہ فواد چوہدری کے خلاف 32 مقدمات درج ہیں، عدالت تمام مقدمات میں گرفتاری ڈالنے کاحکم دے۔
درخواست گزار نے استدعا کی کہ ٹرائل کورٹس میں درخواست گزار کی ویڈیو لنک اور واٹس ایپ پر حاضری لگوانے کی اجازت دی جائے۔
فواد چوہدری کی درخواست پر لاہور ہائیکورٹ کے 2 رکنی بینچ نے بطوراعتراض سماعت کرنی تھی تاہم بینچ کے سربراہ جسٹس شہرام سرور چوہدری نے سماعت سے معزرت کرلی اور 2 رکنی بینچ نے درخواست چیف جسٹس لاہورہائیکورٹ کو بھجوادی۔
