روسی فیڈریشن کے صدر ولادیمیر پیوٹن نے صدر پاکستان منتخب ہونے پر آصف علی زرداری کو مبارکباد دی ہے۔

ترجمان روسی سفارتخانہ کے مطابق ولادیمیر پیوٹن نے اپنے پیغام میں روس پاکستان تعلقات کی دوستانہ نوعیت پر روشنی ڈالی اور پاک روس تعلقات میں مزید مسلسل ترقی پر اپنے اعتماد کا اظہار کیا۔

واضح رہے کہ آصف علی زرداری 14ویں صدرِ پاکستان کے طور پر اپنا عہدہ سنبھال چکے ہیں۔

نو منتخب صدر آصف علی زرداری کی حلف برداری کیلئے ایوانِ صدر میں خصوصی تقریب کا انعقاد کیا گیا تھا جس میں تینوں مسلح افواج کے سربراہان اور چیئرمین جوائنٹ چیفس آف اسٹاف کمیٹی شریک ہوئے۔