پنجاب اسمبلی میں غیر قانونی بھرتیوں کے مقدمے میں چودھری پرویز الٰہی سمیت دیگر ملزمان پر آج پھر فرد جرم عائد نہ ہو سکی لاہور کی اینٹی کرپشن عدالت کے جج ارشد حسین بھٹہ نے پنجاب اسمبلی میں غیر قانونی بھرتیوں کے کیس کی سماعت کی۔
چودھری پرویز الٰہی کو آج بھی عدالت میں پیش نہیں کیا گیا۔ پرویز الہی کے وکیل نے موقف اختیار کیا کہ پرویز الہی کی صحت خراب ہے، جس کے باعث وہ سفر نہیں کر سکتے۔
عدم پیشی کے باعث چوہدری پرویز الہی سمیت دیگر کے خلاف ملزمان پر فرد جرم عائد نہ ہوسکی۔
عدالت نے پرویز الہی کو عدالت میں پیش نہ کرنے پر جیل سپرنٹینڈنٹ کو شوکاز نوٹس بھی جاری کردیا۔
عدالت نے فرد جرم کی کارروائی کیلئے ملزمان کو 19 مارچ کو دوبارہ طلب کیا ہے۔
**
