صحت کارڈ منصوبے میں بے ضابطگیوں کے خلاف پنجاب اسمبلی میں قرارداد جمع کرا دی گئی۔
صحت کارڈ منصوبے میں بے ضابطگیوں کے خلاف قرارداد مسلم لیگ (ن) کی رکن حنا پرویز بٹ کی جانب سے پنجاب اسمبلی میں جمع کروائی گئی۔
قرارداد میں کہا گیا کہ صحت کارڈ منصوبے میں بڑے پیمانے پر بے ضابطگیوں کا انکشاف ہوا ہے، پنجاب میں من پسند نجی اسپتالوں کو اربوں روپے کی ادائیگیاں کی گئی ہیں۔
قرار داد میں مزید کہا گیا کہ اس حوالے سے گزشتہ روز ایک رپورٹ بھی منظر عام پر آئی ہے، صحت کارڈ منصوبے کی آڑ میں سابقہ حکومت نے اپنے فنانسرز کو نوازا ہے.
قرارداد میں مطالبہ کیا گیا کہ صحت کارڈ منصوبے کی تمام تفصیلات قوم کے سامنے لائی جائیں۔
