جائیداد کیلئے دادا کو قتل کرکے بیرون ملک فرار ہونے کی کوشش کرنے والا ملزم پوتا گرفتار کر لیا گیا۔ ملزم عبدالواسع نے تھانہ احمد نگر گوجرانوالہ کی حدود میں گزشتہ برس جائیداد کے تنازعے پر دادا کو قتل کیا تھا۔

پنجاب پولیس کے اسپیشل آپریشن سیل نے ملزم کی گرفتاری کیلئے مسلسل فالو اپ جاری رکھا، کوائف پی این آئی ایل لسٹ میں درج کروائے، اور بالآخر ملزم کو بیرون ملک فرار ہونے کی کوشش میں لاہور ائیر پورٹ سے گرفتار کرلیا گیا۔

مزید قانونی کاروائی کیلئے ملزم کو گوجرانوالہ پولیس کے حوالے کر دیا گیا ہے۔