لکی مروت:درہ پیزو میں ڈیوٹی پر تعینات ٹریفک پولیس اہلکار پر دن دھاڑے نامعلوم افراد نے فائرنگ کر دی۔
فائرنگ کے نتیجے میں ایک پولیس اہکار موقعے پر شہید ہوگیا جبکہ دوسرا ٹریفک پولیس اہلکار شدید زخمی حالت میں منتقل کیا گیا لیکن وہ بھی جانبر نہ ہو سکا۔
واقعے کے بعد بڑی تعداد میں پولیس جائے وقوع پر پہنچ گئی اورعلاقے کو گھیرے میں لے لیا۔ فائرنگ کرنے والے نامعلوم افراد فرار ہوگئے۔
لکی مروت واقعہ پر وزیر اعلیٰ خیبر پختونخوا علی امین گنڈاپور نے مذمت کرتے ہوئے پولیس کے اعلی حکام سے واقعے کی رپورٹ طلب کر لی۔
