اسلام آبادہائیکورٹ میں محسن نقوی کی بطور چیئرمین پی سی بی تعیناتی کے خلاف کیس کی سماعت ہوئی عدالت نے درخواست قابل سماعت قرار دیتے ہوئے فریقین کو نوٹس جاری کردیے
چیف جسٹس عامرفاروق نے محفوظ فیصلہ سنایا۔عدالت نے وفاق، وزیر اعظم آفس اور کابینہ ڈویژن کو نوٹس جاری کرتے ہوئے جواب طلب کرلیا۔
عدالت نے وزارت بین الصوبائی رابطہ، الیکشن کمیشن، پاکستان کرکٹ بورڈ اور محسن نقوی کو بھی نوٹسز جاری کئے۔
عدالت نے درخواست میں شامل تمام فریقین سے جواب طلب کرلیا۔ چیف جسٹس نے حکم دیا کہ کیس کی آئندہ سماعت تحریری حکمنامہ میں دی جائے گی۔
گزشتہ روز اسلام آباد ہائی کورٹ نے محسن نقوی کی بطور چیئرمین پی سی بی تعیناتی کیخلاف درخواست پر فیصلہ محفوظ کیا تھا۔
