اسلام آباد کی مقامی عدالت نے ویڈیو لنک کے ذریعے پاکستان تحریک انصاف (پی ٹی آئی) کے سابق چیئرمین عمران خان اور ان کی اہلیہ بشریٰ بی بی کی حاضری لگانے کی ہدایت کردی۔
ڈسٹرکٹ اینڈ سیشن کورٹ میں ایڈیشنل سیشن جج طاہر عباس نے سابق وزیراعظم عمران خان اور بشریٰ بی بی کی ضمانتوں کی درخواستوں پر سماعت کی۔
جج طاہر عباس سِپرا نے پولیس کو ہدایت کرتے ہوئے کہا کہ اڈیالہ جیل حکام سے بات کریں، عمران خان اور بشریٰ بی بی کی ویڈیو لنک پر حاضری لگوائیں۔
بعدازاں ویڈیولنک پر حاضری لگانے تک عدالت نے سماعت میں وقفہ کردیا۔
یاد رہے کہ 9 مئی واقعات پر سابق چیئرمین پی ٹی آئی عمران خان کے خلاف 6 اور جعلی رسیدوں پر بشریٰ بی بی کے خلاف ایک مقدمہ درج ہے۔
