استحکام پاکستان پارٹی کے رہنما فواد چوہدری کا کہنا ہے کہ سیاسی کارکنوں کو رہا کیے بغیر مفاہمت کی بات منافقت لگتی ہے۔
سابق وفاقی وزیر فواد چوہدری کو اینٹی کرپشن راولپنڈی کی عدالت میں پیش کیا گیا، فواد چوہدری کو سخت سیکورٹی حصار میں اینٹی کرپشن عدالت لایا گیا۔
جس کے بعد فواد چوہدری اینٹی کرپشن عدالت کے جج علی نواز بکھر کی عدالت میں پیش ہوئے۔
اینٹی کرپشن عدالت میں پیشی کے موقع پر میڈیا سے گفتگو میں فواد چوہدری نے وزیراعظم شہباز شریف کے مفاہمت سے متعلق بیان پر تبصرہ کرتے ہوئے کہا کہ شہبازشریف نے جو کل مفاہمت والی بات کی وہ اچھی ہے لیکن سیاسی کارکنان کو رہا کریں تو پھر مفاہمت کی بات کریں، ہزاروں لوگ جیلوں میں ہوں تویہ بات بڑی منافقت لگتی ہے۔
