لاہور ہائیکورٹ راولپنڈی بینچ نے عوامی مسلم لیگ کے سربراہ شیخ رشید کی ای سی ایل سے نام نکالنے کی درخواست پر سیکرٹری سیکرٹری داخلہ کو کل ذاتی حیثیت میں طلب کرلیا۔
لاہور ہائیکورٹ راولپنڈی بینچ کے جسٹس مرزا وقاص رؤف اور جسٹس صداقت علی خان پر مشتمل ڈویژنل بینچ نے سابق وزیر داخلہ شیخ رشید احمد کی درخواست پر سماعت کی۔
شیخ رشید احمد اپنے وکلاء سردار عبدالرازق اور سردارشہبازکے ہمراہ عدالت میں پیش ہوئے جبکہ نیب کی جانب سے ڈپٹی پراسیکیوٹر پیش ہوئے۔
ڈپٹی پراسیکیوٹر نیب نے عدالت میں مؤقف اپنایا کہ ملک بھر سے نیب کے ریجنل دفاتر سے معلومات لی ہے، ہمیں شیخ رشید کسی مقدمے میں مطلوب نہیں۔
عدالت نے آئندہ سماعت پر سیکٹری داخلہ کو طلب کرتے ہوئے سیکرٹری ای سی ایل کو ذاتی حیثیت میں طلب کرلیا۔
بعدازاں عدالت نے کیس کی سماعت کل تک ملتوی کردی۔
