قومی اسمبلی کے افتتاحی اجلاس میں آج حلف برداری کے لیے آنے والے پی ٹی آئی کے حمایتی ارکان نے جماعت کے اسیر بانی عمران خان کی موجودگی کا احساس دلانے کے لیے انوکھا طریقہ اپنا لیا۔

سابق وزیرِ اعظم اور بانی پی ٹی آئی مخلتف مقدمات میں راولپنڈی کی اڈیالہ جیل میں قید ہیں تاہم پی ٹی آئی رہنما اپنے چہرے پر ان کا ماسک سجائے اسمبلہی پہنچے۔

کئی عام افراد کے علاوہ پی ٹی آئی رہنماؤں علی محمد خان اور شیر افضل مروت نے عمران خان کا ماسک پہن کر سب کی خوب توجہ حاصل کی۔

اجلاس سے قبل دونوں گیلری میں تصاویر بھی بنواتے رہے۔

واضح رہیے کہ نومنتخب ارکان قوم اسمبلی نے اسپیکر راجہ پرویز اشرف کی زیر صدارت افتتاحی اجلاس میں حلف اٹھایا۔

اس موقع پر احتجاج کا اعلان کرنے والی سنی اتحاد کونسل کے آزاد اراکین ایوان میں شور شرابا کرتے رہے۔

استحکام پاکستان پارٹی کے علیم خان کو دستخظ کرنے بلایا گیا تواحتجاجی ارکان نے ’لوٹا لوٹا‘ کے نعرے لگائے۔