عام انتخابات میں مبینہ دھاندلی کو جواز بناتے ہوئے سینئر قانون دان آفتاب احمد باجوہ نے فارم 45 کی روشنی میں نتائج دوبارہ مرتب کرنے کی قرار داد لاہور ہائیکورٹ بار میں جمع کرا دی۔

قرار داد کے مطابق نتائج مرتب ہونے تک قومی اور صوبائی حکومتوں کو کام سے روکا جائے، عام انتخابات میں دھاندلی کے سنگین الزامات عائد کیے گئے۔

سینئر قانون دان آفتاب احمد نے قرار داد میں لکھا کہ الیکشن کی شفافیت کے لیے ضروری ہے کہ الزامات کی تحقیقات کی جائیں۔

قرارداد میں کہا گیا کہ ملک بھر کے سیشن ججز فارم پینتالیس کو اکٹھا کر کے نتیجہ مرتب کریں، جو نتائج مرتب کیے جائیں وہ قوم کے سامنے لائے جاہیں۔