پاکستان تحریک انصاف (پی ٹی آئی) کے ترجمان نے کہا ہے کہ ذوالفقارعلی بھٹو کےعدالتی قتل کا مقدمہ یاد دہانی کرواتا ہے ہم آج وہیں کھڑے ہیں جہاں 50 سال پہلے تھے۔

ایک بیان میں ترجمان پی ٹی آئی نے کہا کہ مقبول عوامی نمائندے کو جعلی مقدمات کی بنیاد پر پابندِ سلاسل کردیا گیا۔

انھوں نے کہا کہ مقبول عوامی قیادت کے خلاف سازشوں کا سارا وبال ملک و قوم پر آزمائشوں کی صورت میں آتا ہے۔

ترجمان نے مزید کہا کہ پاکستان کو معاشی مفلوک الحالی سے نکلنے کیلئے سیاسی استحکام درکار ہے۔

ان کا کہنا تھا کہ مقبول عوامی نمائندوں کے خلاف سازشوں کا سلسلہ رکنا چاہیے۔ عوام کی مرضی کا احترام بنیادی تقاضا ہے۔