کراچی سٹی کورٹ جوڈیشل مجسٹریٹ غربی نے ساڑھے تین کروڑ روپے مالیت کا چیک باؤنس ہونے کے مقدمے میں کورنگی ایسوسی ایشن آف ٹریڈ اینڈ انڈسٹری (KATI) کے صدر جوہر علی قندھاری جوڈیشل ریمانڈ پر جیل بھیج دیا۔

پولیس کے مطابق جوہر علی نے 3 کروڑ 50 لاکھ روپے مالیت کے چیک کلیم نامی تاجر کو دیے تھے، چیک باؤنس ہو جانے کی بنا ملزم کے خلاف خواجہ کلیم نے مقدمہ درج کرایا ہے۔

مقدمے میں مدعی نے کہا کہ آٹے اور چاول کی فیکٹری میں نصب مشینری خریدنے کے لیے رقم ادا کرنی تھی، ملزم نے مشینری دینے کے بجائے اپنے اکاٶنٹ کے چیکس پکڑا دیے۔

مدعی مقدمہ کا کہنا ہے کہ مجھے مشینری بھی واپس نہیں ملی اور چیک بھی باؤنس ہوگئے۔

ملزم جوہر علی قندھاری کی جانب سے عدالت میں درخواست ضمانت دائر کردی گئی ہے، درخواست ضمانت پر سماعت کے لیے 28 فروری کی تاریخ مقرر کی گئی ہے۔