بھارت میں حکومت نے لوگوں کو شمسی توانائی میں دلچسپی لینے کی تحریک دینے کے لیے سولر پینلز پر 30 سے 78 ہزار روپے تک کی سبسڈی دینے کا اعلان کیا ہے۔
مغربی ریاست مہا راشٹر میں چھتوں پر لگائے جانے والے سولر پینلز کی خریداری اب ان لوگوں کے لیے آسان بنادی گئی ہے جن کی آمدنی محدود ہے۔
پہلے مرحلے میں ایک لاکھ گھرانوں کو سبسڈی کا حقدار قرار دیا گیا تھا۔ اب یہ تعداد بڑھائی جارہی ہے۔ عوام کی سہولت کے لیے 243 ڈیلرز کی رجسٹریشن ہوچکی ہے۔
پی ایم سوریہ گھر مفت بجلی یوجنا کے تحت مرکزی حکومت نے اس پروگرام کی مد میں 75 ہزار کروڑ روپے مختص کیے ہیں۔
اگر کسی گھر کی چھت پر لگے ہوئے سولر پینل 200 یونٹ بجلی پیدا کر رہے ہوں تو اس گھر کے مالک کو صرف 100 یونٹ تک کی بجلی کا بل ادا کرنا پڑتا ہے۔
اگر کسی گھر کے چھت پر لگے ہوئے سولر پینل 400 یونٹ تک بجلی پیدا کرتے ہیں تو 300 یونٹ خرچ کرنے کی صورت میں بچنے والے 100 یونٹ اگے مہینے کے بل میں ایڈجسٹ کردیے جاتے ہیں۔
