الیکشن کمیشن نے صدارتی انتخابات کے حوالے سے شیڈول تیار کر لیا ہے، ذرائع کے مطابق مارچ میں نئے صدر کا انتخاب متوقع ہے۔
الیکشن کمیشن ذرائع کے مطابق صدارتی انتخابات کے لیے شیڈول آج جاری ہونے کا امکان ظاہر کیا جا رہا ہے۔
ذرائع کے مطابق صدر پاکستان کے لیے ہونے والے انتخابات 9 مارچ کو متوقع ہے۔
واضح رہےکہ صدر عارف علوی کی 5 سالہ آئینی مدت 8 ستمبر2023 کوختم ہو چکی ہے تاہم ملک میں نگران سیٹ اپ ہونے کی وجہ سے عارف علوی صدرکی ذمہ داریاں نبھا رہے ہیں۔
آئین کے مطابق عام انتخابات ہونے کے ایک ماہ تک صدراپنے عہدے پر فائز رہ سکتے ہیں۔
