سردار پرویز اقبال گورچانی اور ان کے دو بیٹوں سردارشیر علی گورچانی اور سردار شیر افگن گورچانی رکن پنجاب اسمبلی منتخب ہوئے ہیں۔ انہوں نے پنجاب اسمبلی کا حلف اٹھا لیا ہے۔
آج نیوز سے گفتگو میں گھر کے سربراہ سردار پرویز نے کہا کہ اپنے بیٹوں کے ساتھ رکن اسمبلی منتخب ہونے پر بہت اچھا لگ رہا ہے۔
انھوں نے کہا کہ مخالفین ارب پتی تھے لیکن اس کے باوجود اللہ نے ہمیں عزت بخشی اور ہم کامیاب ہوئے۔
دو بیٹوں سردار شیر علی گورچانی اور سردار شیر افگن گورچانی نے بھی رکن پنجاب اسمبلی منتخب ہونے پر خوشی کا اظہار کیا۔
انھوں نے کہا کہ ہم عوام کی خدمت کا جذبہ لیکر اسمبلی میں آئے ہیں ۔ لوگوں اور ملک کے لئے مخلص ہوکر کام کریں گے۔
دونوں بھائیوں نے مسلم لیگ ن کی قیادت کا شکریہ ادا کیا کہ انھوں نے انھیں تین ٹکٹ دیے۔
