پاکستان مسلم لیگ ن کی جانب سے وزارت اعلیٰ پنجاب کے لیے نامزد مریم نوازقومی اسمبلیٰ کی نشست سے استعفیٰ دے چکی ہیں ۔ ن لیگ کی جانب سے پارٹی کی سینیئرنائب صدر کے علاوہ سینیئر قیادت کو صوبائی نشستیں چھوڑنے کی ہدایت کی گئی ہے۔
لیگی ذرائع کے مطابق صدر ن لیگ شہبازشریف قصور اور لاہور کی صوبائی نشستیں جبکہ حمزہ شہباز لاہورکی صوبائی نشست چھوڑیں گے۔
سیکرٹری جنرل مسلم لیگ ن احسن اقبال نارووال کی صوبائی نشست سے دستبردار ہوں گے۔
ذرائع نے بتایا ہے کہ رانا تنویر شیخوپورہ کی صوبائی نشست چھوڑیں گے۔
سردار اویس لغاری ڈیرہ غازی خان جبکہ جام کمال لسبیلہ کی صوبائی نشست چھوڑ یں گے۔
سردارغلام عباس کے حوالے سے بتایا گیا ہے کہ وہ چکوال کی صوبائی نشست سے دستبردار ہوں گے۔
واضح رہے کہ قانون کے تحت منتخب رکن اپنے پاس ایک ہی نشست رکھ سکتا ہے۔
پنجاب اسمبلی کا اجلاس آج طلب کیا گیا ہے جس میں اراکین اسمبلی حلف اٹھائیں گے جس کے بعد نئے اسپیکر کا انتخاب کیا جائے گا جبکہ وزیراعلیٰ کا انتخاب اگلے مرحلے میں ہوگا۔
پی ٹی آئی کے احتجاج کے پیش نظر اسمبلی کے باہر پولیس کی بھاری نفری تعینات کی گئی ہے۔
