پاکستان تحریک انصاف کے رہنما شیر افضل مروت کا کہنا ہے کہ ن لیگ کے کسی امیدوار نے ایک بھی فارم 45 پیش نہ کیا، این اے 11میں امیر مقام کے مقابلے میں ہماری لیڈ تھی، فارم 47 میں امیر مقام کو جتوادیا گیا۔
اسلام آباد میں میڈیا سے گفتگو کرتے وہئے پی ٹی آئی کے رہنما شیرافضل مروت نے کہا کہ آج الیکشن کمیشن میں کچھ گزارشات پیش کی ہیں، این اے 11میں امیر مقام کے مقابلے میں ہماری لیڈ تھی، فارم 47 میں امیر مقام کو جتوادیا گیا۔
شیر افضل مروت نے کہا کہ تمام امیدواروں نے بیان حلفی کے ساتھ فارم 45 پیش کیے، ن لیگ کے کسی امیدوار نے ایک بھی فارم 45 پیش نہ کیا۔
انہوں نے مزید کہا کہ ہمارے فارم 45 چھوڑے الیکشن کمیشن اپنے فارم 45 دیکھ لے، ہمیں الیکشن کمیشن میں کوئی انصاف ہوتا نظر نہیں آرہا، اتنے دن ہوگئے فارم 47 نہیں منگوا رہے، فارم 47 وہی درست ہیں جو ہم نے پیش کیے۔
