بنگلادیشن کے دارالحکومت ڈھاکا سے سعودی کیپیٹل ریاض کے لیے پرواز بھرنے والے مسافر طیارے کی مسافر کی طبیعت خراب ہونے پر کراچی ائر پورٹ پر ایمرجنسی لینڈنگ۔
بنگلادیش کے دارالحکومت ڈھاکا سے اڑان بھرنے والے سعودی ائیر کی پرواز ایس وی 805 نے 3 بج کر 57 منٹ پر ڈھاکا سے ٹیک آف کیا۔
تاہم مسافر طیارہ ابھی بھارتی فضائی حدود میں ہی تھا کہ اچانک ایک مسافر کی طبیعت خراب ہونے کی اطلاع طیارے کے پائلٹ کو ملی۔
مسافر کی ناساز طبیعت پر پائلٹ نے ممبئی ائر پورٹ پر طیارہ لینڈ کرنا چاہا، تاہم ائر ٹریفک کنٹرول نے طیارہ کراچی کے جناح انٹرنیشنل ائرپورٹ لے جانے کی ہدایت دیں۔
جس کے بعد کراچی کے جناح انٹرنیشنل ائیرپورٹ پر پرواز صبح ساڑھے 7 بجے ایمرجنسی لینڈنگ کر گئی۔
لینڈنگ کے بعد طیارے میں موجود مسافر کو ہنگامی بنیادوں پر طبی امداد فراہم کی گئیں، جس کے بعد پرواز کو ریاض کے لیے روانہ کیا گیا۔
