پاکستان سپر لیگ( پی ایس ایل) میں قومی کرکٹر اور پشاور زلمی کے کپتان بابر اعظم نے نئی تاریخ رقم کر دی۔
لاہور کے قذافی اسٹیڈیم میں پی ایس ایل کا دوسرا میچ پشاور زلمی اور کوئٹہ گلیڈی ایٹرز کے درمیان کھیلا گیا۔
بابر اعظم نے دھواں دھار بیٹنگ کرتے ہوئے 42 گیندوں پر 68 رنز بنائے۔ اس اننگ میں انھوں نے 4 چھکے اور 4 چوکے لگائے۔
اس میچ میں بابر اعظم کی ٹیم پشاور زلمی میچ تو ہار گئی لیکن بابر اعظم نے پی ایس ایل میں 3000 رنز کا سنگ میل عبور کیا۔
بابراعظم نے یہ تاریخی سنگ میل 80 سے زائد اننگز میں انجام دیا۔
انہوں نے پی ایس ایل میچز میں 44.83 کی شاندار اوسط سے مجموعی طور پر 3004 رنز بناچکے ہیں۔
