انتخابات ہوئے کئی روز گزر گئے، مگر الیکشن کمیشن تاحال کئی آزاد امیدواروں کے نتائج کے نوٹیفیکیشن جاری نہیں کر سکا ہے۔
قومی اسمبلی کی نشستوں پر الیکشن لڑنے والے آزاد امیدوار تاحال اپنے حلقے کے نتائج کے منتظر دکھائی دیتے ہیں، غیر سرکاری حتمی نتائج کے مطابق 101 آزاد امیدوار جن میں اکثریت پاکستان تحریک انصاف کے حمایت یافتہ شامل ہیں، الیکشن میں جیت چکے ہیں۔
لیکن ان میں سے محض 8 امیدواروں کے نتائج کا اعلان کیا گیا تھا اور پھر رات کے اندھیرے میں مزید 33 کی جیت کا نوٹیفیکیشن جاری کر دیا گیا۔
جبکہ الیکشن قوانین کے مطابق نتائج کے نوٹیفیکیشن کے جاری ہونے کے 3 کے دن کے اندر اندر آزاد امیدوار کو کسی سیاسی جماعت کو جوائن کرنا ضروری ہوتا ہے۔
