پاکستان تحریک انصاف کے رہنما اسد قیصر کا کہنا ہے کہ بانی چئیرمین عمران خان فتح مکہ ماڈل کے طرز پر عام معافی کا اعلان کریں گے۔
صوابی میں میڈیا سے گفتگو کرتے ہوئے اسد قیصر نے کہا کہ کمشنر روالپنڈی کی خودی اور ضمیر جاگ اٹھا ہے، ہم کمشنر روالپنڈی کو سراہتے ہیں۔
ایک سوال کے جواب میں انہوں نے کہا کہ مولانا فضل الرحمان کے ساتھ ملاقات ایک نقطہ ”رگنگ“ (دھاندلی) پر ہوئی ہے، انتخابات پر مولانا فضل الرحمان کو بھی اور ہمیں بھی تحفظات ہیں۔
’خودکشی کا سوچنے والے کل تک سرکاری میٹنگز اٹینڈ کر رہے تھے‘
ان کا کہنا تھا کہ ہماری محمود خان اچکزئی، آفتاب شیرپاؤ اور لیاقت بلوچ سے بھی ملاقات ہوئی ہے، سندھ اور بلوچستان میں پارٹی عہدیدار دیگر سیاسی جماعتوں سے رابطے کریں گے۔
اسد قیصر نے کہا کہ ہم رگنگ پر سب پارٹیوں کو اکٹھا کریں گے۔
