انتخابات میں دھاندلی کے الزامات لگانے کے بعد اپنے عہدے سے مستعفی ہونے والے کمشنر راولپنڈی لیاقت چٹھہ کو امریکی ویزا مل گیا۔
ذرائع کے مطابق لیاقت چٹھہ کو 13 فروری کو پانچ سال کیلئے امریکی ویزا ملا ہے۔
کمشنر راولپنڈی لیاقت علی چٹھہ عام انتخابات میں دھاندلی سے متعلق اعترافی بیان دیتے ہوئے اپنے عہدے سے مستعفی ہوگئے ہیں۔
چیف الیکشن کمشنر اور چیف جسٹس کو ملوث قرار دیتے ہوئے انہوں نے کہا کہ فوج نے الیکشن بالکل ٹھیک کروائے۔
اس بیان کے کچھ دیر بعد انہیں حراست میں لے لیا گیا۔
کمشنر کا براہ راست کردار نہیں، الیکشن کمشن، پنجاب حکومت نے دعوے مسترد کردیے
اپنی دھماکہ خیز پریس کانفرنس میں لیاقت علی چٹھہ نے یہ کہتے ہوئے استعفیٰ دیا کہ انہوں نے راولپنڈی ڈویژن میں کم از کم 13 ایم این اے امیدواروں کے نتائج آراوز سے تبدیل کروائے۔
’خودکشی کا سوچنے والے کل تک سرکاری میٹنگز اٹینڈ کر رہے تھے‘
لیاقت علی چٹھہ نے یہ بھی کہا تھا کہ ’میں نے آج صبح کی نماز کے بعد خود کشی کی کوشش کی، پھر سوچا میں کیوں حرام کی موت مروں، کیوں نہ ساری چیزیں عوام کے سامنے رکھوں۔‘
لیاقت چٹھہ سرکاری ملازمت سے 12 مارچ کو ریٹائر ہورہے ہیں۔
