بھارت میں اپوزیشن کی سب سے بڑی جماعت کانگریس کے رہنماؤں نے الزام لگایا ہے کہ مودی سرکار کی طرف سے اس کے اکاؤنٹس کا منجمد کیا جانا سیاسی انتقام ہے۔
کانگریس کے سیکریٹری جنرل جے رام رمیش نے میڈیا سے گفتگو میں کہا کہ مودی سرکار سیاسی ماحول کو خراب کر رہی ہے۔
بھارتی سپریم کورٹ کے حالیہ ریمارکس کا حوالہ دیتے ہوئے جے رام رمیش نے کانگریس چھوڑ جانے والے سیاست دانوں کو بھارتیہ جنتا پارٹی میں شامل کیے جانے کی مذمت کرتے اسے کانگریس یُکت بی جے پی قرار دیا۔
ان کا کہنا تھا کہ سپریم کورٹ نے بہت صاف الفاظ میں سب کچھ بیان کردیا ہے۔ یہ الیکٹورل بونڈز کی لوٹ مار ہے۔
جے رام رمیش کا کہنا تھا کہ پہلے ہمارے بینک اکاؤنٹس بند کیے گئے اور اس کے بعد وزیر اعظم نریندر مودی نے کہا کہ ان کی توہین کی جارہی ہے۔
جے رام رمیش کا کہنا تھا کہ بی جے پی دہرے معیارات کے ساتھ کام کر رہی ہے۔
یہ بھی پڑھیں :
چپ رہو ورنہ گھر پرچھاپہ پڑے گا، بھارتی وزیر کی پارلیمنٹ میں بولنے والے اراکین کو دھمکی
’بسنتی‘ کو غصہ آگیا، 141 بھارتی اپوزیشن ارکان کی معطلی درست قرار دے دی
