اسلام آباد ہائیکورٹ نے مسلم لیگ (ن) کے منتخب ایم این اے کے خلاف دائر درخواست پر فیصلہ سنادیا۔
اسلام آباد ہائیکورٹ نے فیصلہ سناتے ہوئے این اے 11 شانگلہ سے انجینئر امیر مقام کی کامیابی کے نوٹیفکیشن کے خلاف درخواست خارج کردی۔
عدالت عالیہ نے تحریک انصاف کے حمایت یافتہ امیدوار سید فرین کی درخواست مسترد کردی۔
اسلام آباد ہائیکورٹ کے چیف جسٹس عامر فاروق نے محفوظ فیصلہ سنا دیا۔
دوسری جانب اسلام آباد ہائیکورٹ نے این اے 43 ٹانک کے 6 پولنگ اسٹیشن پر دوبارہ پولنگ روکنے کی درخواست بھی خارج کردی۔
اسلام آباد ہائیکورٹ کے چیف جسٹس عامر فاروق نے محفوظ فیصلہ سناتے ہوئے پی ٹی آئی کے آزاد امیدوار داور خان کنڈی کی درخواست خارج کی۔
الیکشن کمیشن نے ٹانک کے 6 پولنگ اسٹیشن پر کل دوبارہ پولنگ کا حکم دے رکھا ہے۔
یاد رہے کہ زیادہ تر جماعتوں نے عام انتخابات کو متنازع قرار دیتے ہوئے دھاندلی زدہ قرار دیا ہے اور ملک کے مختلف حصوں میں احتجاج جاری رکھے ہوئے ہیں ۔
اسلام آباد ہائیکورٹ نے این اے 11 سوات اور این اے 43 ٹانک سے متعلقفیصلہ محفوظ کرلیا
الیکشن کمیشن نے نتائج کا اجرا روکنا شروع کردیا، دوبارہ پولنگہوگی
