قومی اسمبلی کے حلقے این اے 56 کے ریٹرننگ افسر سید نذارت علی کی گاڑی نامعلوم افراد ڈرائیور سے چھین کر فرار ہو گئے۔
ریٹرننگ افسر کے فرائض سرانجام دینے والے راولپنڈی کے حلقے این اے 56 کے آر او سید نذارت علی کی اپلائڈ فار سرکاری گاڑی دن کے اجالے میں ڈکیت جی ٹی روڈ پر چھین کر فرار ہو گئے۔
واقعہ کا مقدمہ آر او کی جانب سے ڈرائیور محمد کلیم خان کی درخواست پر تھانہ مندرہ میں درج کیا گیا ہے۔
درخواست کے مطابق واقعہ 14 فروری کو صبح ساڑھے 8 بجے جی ٹی روڈ پر پیش آیا، تاہم ڈرائیور کلیم خان کو ملزمان موٹر وے پر چھوڑ کر فرار ہو گئے۔
ڈرائیور کا موقف میں کہنا تھا کہ ایڈیشنل کمشنر کوارڈینیشن سید نذارت علی عزیز سے ملنے گئے تھے، اسی دوران وہ جی ٹی روڈ پر آر او کے منتظر تھے، کہ جب یہ واقعہ پیش آیا۔
