پاکستان تحریک انصاف کے سابق چیئرمین عمران خان نے سائفر اور توشہ خانہ کیس میں سزاؤں کے خلاف اسلام آباد ہائیکورٹ میں اپیلیں دائر کردیں جبکہ لطیف کھوسہ کا کہنا ہے کہ عدت کیس کی اپیل سیشن کورٹ میں دائر کی ہے۔
عمران خان کے وکیل لطیف کھوسہ نے سابق چیئرمین پی ٹی آئی کو توشہ خانہ اور سائفر کیس میں ملنے والی سزاؤں کے خلاف اسلام آباد ہائیکورٹ میں اپیلیں دائر کرنے کی تصدیق کی۔
لطیف کھوسہ کا کہنا تھا کہ عدت کیس کی اپیل سیشن کورٹ میں دائر کی گئی ہے۔
آفیشل سیکرٹ ایکٹ کی عدالت نے عمران خان کو سائفر کیس میں 30 جنوری کو 10 سال قید بامشقت کی سزا سنائی تھی ۔
توشہ خانہ کیس میں احتساب عدالت نے سابق وزیراعظم عمران خان کو 14 سال قید با مشقت کی سزا سنائی تھی۔
