اسلام آباد میں قومی اسمبلی کے 3 حلقوں این اے 46، 47 اور 48 میں امیدواروں کی کامیابی کے نوٹیفکیشن کالعدم قرار دینے کی درخواستوں پر محفوظ فیصلہ آج سنایا جائے گا۔
اسلام آباد ہائیکورٹ کے چیف جسٹس عامر فاروق آج محفوظ فیصلہ سنائیں گے جبکہ چیف جسٹس نے درخواستوں پر دلائل سننے کے بعد گزشتہ روز فیصلہ محفوظ کیا تھا۔
دورانِ سماعت چیف جسٹس عامر فاروق نے کہا تھا کہ عدالت الیکشن کمیشن کو ڈائریکشن نہیں دے سکتی لیکن آبزرویشن دیں گے۔
واضح رہے کہ شعیب شاہین، علی بخاری اور عامر مغل نے الیکشن کمیشن کے نوٹیفکیشن کے خلاف درخواستیں دائر کی تھیں، طارق فضل ، انجم عقیل اور راجہ خرم کی کامیابی کے نوٹیفکیشن چیلنج کیے گئے تھے۔
