قومی اسمبلی کے حلقے این اے 128 پر پی ٹی آئی حمایت یافتہ آزاد امیدوار سلمان اکرم راجہ کی درخواست پر الیکشن کمیشن نے حکمنامہ جاری کر دیا۔ جس میں کہا گیا کہ کامیاب امیدوار کا نوٹی فکیشن اگر ابھی جاری نہیں ہوا تو وہ کیس کے فیصلے تک معطل رکھا جائے۔

حکمنامہ میں کہا گیا ہے کہ سلمان اکرم راجہ نے بتایا کہ آر او نے حلقے کا سرکاری نتیجہ جاری کر دیا ہے۔

تحریری فیصلے کے مطابق کیس کا فیصلہ آر او کی تفصیلی رپورٹ اور مخالف امیدوارں کو نوٹس جاری کیے بغیر نہیں دیا جا سکتا۔

حکمنامہ میں لکھا گیا کہ منصفانہ فیصلے کے لیے آراو کو ہدایت جاری کی جاتی ہے کہ وہ 3 روز کے اندر، آئندہ سماعت سے قبل اپنی جامع رپورٹ جمع کرائے، آراو نے حتمی نتیجہ جاری کردیا ہے۔