پشاور ہائیکورٹ نے پاکستان تحریک انصاف کے رہنما عاطف خان اور شہرام ترکئی کی 19 فروری تک حفاظتی ضمانت منظور کرلی۔
پشاور ہائیکورٹ میں عاطف خان اور شہرام ترکئی کی حفاظتی ضمانت کے لیے دائر درخواست پر سماعت ہوئی، جسٹس اشتیاق ابراہیم اور جسٹس وقار احمد نے سماعت کی۔
عاطف خان کی جانب سے محمد ریاض ایڈووکیٹ جبکہ شہرام ترکئی کی جانب سے عمران خان عدالت میں پیش ہوئے۔
وکیل درخواست گزار نے کہاکہ عاطف خان اور شہرام ترکئی کے خلاف مقدمات کی تفصیل فراہم کی جائے۔
وکلاء نے استدعا کی کہ دونوں رہنماؤں کی حفاظتی ضمانت بھی منظور کی جائے، جس پر پشاور ہائیکورٹ نے ملزمان کی 19فروری تک حفاظتی ضمانت منظور کرلی۔
