پاکستان تحریک انصاف کی کور کمیٹی کا اجلاس ہوا جس میں پی ٹی آئی نےحکومت سازی کیلئےخصوصی کمیٹیاں قائم کردیں۔
اجلاس میں اہم حکومتی، پارلیمانی عہدوں کیلئے نامزدگیوں کو جلد مکمل کرنے پر اتفاق کیا گیا۔
ترجمان کے مطابق الیکشن میں عوام نے جمہوری پختگی کا سکّہ منوایا، عوامِ نے بانی پی ٹی آئی کو حب الوطنی کا سرٹیفکیٹ دیا۔
پی ٹی آئی کورکمیٹی نے کہا کہ الیکشن میں عوامی مینڈیٹ پر ڈاکا ڈالا گیا۔
کور کمیٹی نے کہا کہ ملک کو مجرموں کے حوالے کرنے کی مزاحمت کرتے ہیں۔
ترجمان کا کہنا ہے کہ عوامی مینڈیٹ کی توہین پر دنیا بھر سے آوازیں بلند ہورہی ہیں۔
