راولپنڈی کے حلقہ این اے 57 اور پی پی 19 کے آزاد امیدوار چوہدری عدنان قاتلانہ حملے میں زخؐی ہونے کے بعد دم توڑ گئے۔

نامعلوم افراد نے جھنڈا چیچی کے قریب چوہدری عدنان پر فائرنگ کی۔

چوہدری عدنان کو قاتلانہ حملے کے بعد شدید زخمی ھالت میں بے نظیر بھٹو اسپتال پہنچایا گیا، تاہم وہ جانبر نہ ہوسکے۔

چوہدری عدنان 2018 میں پی ٹی آئی کے ٹکٹ پر ایم پی اے منتخب ہوئے تھے ، انہوں نے سانحہ 9 مئی کے بعد آزاد حیثیت اختیار کر رکھی تھی۔

پولیس ذرائع کے مطابق چوہدری عدنان کو چہرے، سینے اور کمر میں گولیاں ماری گئیں جس کے نتیجے میں وہ جاں بحق ہوئے، جبکہ ان کا ڈرائیور زخمی ہوا۔

پولیس کی جانب سے فائرنگ کے واقعے کی تحقیقات جاری ہیں۔