عالمی مارکیٹ میں سستا ہونے کے باوجود ملکی صرافہ بازاروں میں آج سونے کی قیمتیں مستحکم نظر آئیں۔
پیر کو ملکی بازاروں میں فی تولہ سونا 2 لاکھ 14 ہزار 300 روپے پر مستحکم رہا، اسی طرح 10 گرام سونے کی قیمت بھی 1 لاکھ 83 ہزار 728روپے پر برقرار رہی۔
تاہم، عالمی مارکیٹ میں دو ڈالر کی کمی سے فی اونس سونا 2043 ڈالر پرآگیا۔
قبل ازیں، ہفتہ 10 فروری کو پاکستانی صرافہ مارکیٹوں میں 10 گرام سونا ایک ہزار 28 روپے اور فی تولہ 1200 روپے سستا ہو کر بالترتیب 1 لاکھ 83 ہزار 728 روپے اور 2 لاکھ 14 ہزار 300 روپے پر فروخت ہوا تھا۔
