جمیعت علماء اسلام (ف) سندھ نے عام انتخابات میں مبینہ دھاندلی کے خلاف صوبے بھر میں احتجاج کا اعلان کردیا۔
جے یو آئی کے ترجمان کی جانب سے جاری بیان میں کہا گیا ہے کہ جمعیت علماء اسلام سندھ میں مختلف مقامات پر مظاہرے کرے گی۔
کراچی: ایم کیو ایم کا یوم تشکر منانے کا اعلان، جماعت اسلامی سراپا احتجاج
ترجمان جے یو آئی نے کہا کہ ہم ضلع کورنگی اور ملیر قائدآباد سے نیشنل ہائی وے بند کریں گے، اس کے علاوہ ضلع جنوبی، کیماڑی، غربی، نادرن بائی پاس کو بھی بند کیا جائے گا۔
بلوچستان بھر میں قوم پرست جماعتوں کے مظاہرے، شاہراہیں بلاک کردی گئیں
ترجمان نے بتایا کہ حیدرآباد کے کارکن ہٹڑی بائی پاس پر مظاہرے کریں گے، نواب شاہ میں سکرنڈ کے مقام پرمرکزی ہائی وے بند ہوگا، میرپورخاص میں کارکن میرپورخاص ٹول پلازہ بند کریں گے۔
اس کے علاوہ جے یو آئی کے کارکن وگن بائی پاس اور لاڑکانہ بائی پاس پر بھی دھرنا دیں گے۔
