عام انتخابات سے متعلق انتخابی عذرداریوں کے معاملے پر الیکشن کمیشن نے اگلے ہفتے ٹربیونلز کے قیام کے لیے خط لکھنے کا فیصلہ کرلیا۔

ذرائع کا کہنا ہے کہ الیکشن کمیشن اگلے ہفتے پانچوں رجسٹرار ہائیکورٹس کو خطوط لکھے گا، ہائیکورٹس کو انتخابی عذر داریاں سننے کے لیے ٹربیونل بنانے کی درخواست کی جائے گی۔

ذرائع نے بتایاکہ ٹربیونل 4 ماہ کے اندر اندر عذر داریوں پر فیصلے کریں گے، ٹربیونل میں کیس کے التواء کی کوشش کرنے والوں کو جرمانے کی ہدایات بھی جاری کی جائیں گی۔